Biðst afsökunar á umælunum

Leik­maður Skalla­gríms sem sak­aður er um kyn­þátta­for­dóma í leik liðs­ins gegn Ber­serskjum í fjórðu deild karla í fót­bolta hefur beðist afsök­unar.

„Í knatt­spyrnu­leik Skalla­gríms og Ber­serkja föstu­dag­inn 10. júlí sl. lét ég óvið­eig­andi ummæli falla í garð leik­manns Bersekja. Þau ummæli áttu engan rétt á sér þó þau væru sögð í hita leiks­ins. Það skal jafn­framt tekið fram að af minni hálfu þá áttu þessi ummæli ekki að vera rasísk að neinu leyti þó þau hafi verið túlkuð á þann veg m.a. af fjöl­miðlum,“ segir Atli Steinar Ingason, leik­maður Skalla­gríms í 4. deild­inni í fót­bolta, í yfir­lýs­ingu sem hann hefur sent frá sér og birt­ist á Fótbolti.net, vegna ummæla sem hann lét falla í leik liðs­ins gegn Ber­serkjum á föstu­dags­kvöld. Er Atli sak­aður um að hafa hafa kallað leik­mann Ber­serkja apa­kött í tvígang meðan á leiknum stóð og sagt honum að drull­ast heim til Namibíu.

Skalla­grímur hefur sent frá sér yfir­lýs­ingu vegna máls­ins þar sem segir að Knatt­spyrnu­deild Skalla­gríms muni ekki líða það að leik­menn við­hafi ummæli sem fela í sér kyn­þátta­for­dóma. Félagið muni grípa til við­eig­andi ráð­staf­ana í sam­ráði við KSÍ.

Segist Atli sjálfur ekki getað annað gert en að stíga fram, við­ur­kennt mis­tök sín og beðist afsök­unar á þessum ummælum og bætt ráð sitt. „Ég hef mikið keppn­is­skap og það hefur stundum verið mér fjötur um fót og því hef ég leitað til sér­fræð­inga síð­ustu mán­uði til þess að fá hjálp og mun gera það áfram. Enda afsakar mikið keppn­is­skap ekki óvið­eig­andi fram­komu eða ummæli í garð and­stæð­inga, dóm­ara en ann­arra sem að íþróttum koma. Ég ítreka enn og aftur að ég biðst inni­legrar afsök­unar á ummælum mínum og vona að þeir sem hlut eiga að máli taki það til greina.“

Hann tekur fram að hann einn sé ábyrgur fyrir ummælum sínum og hegðun og hann munni taka afleið­ing­unum og gera allt sem í hans valdi stendur til að bæta ráð sitt.

Hins vegar finn­ist honum ósann­gjarnt hversu ein­hliða umfjöllun og umræða hefur verið um málið. „Ég vil að lokum vekja athygli á því að mér hefur fund­ist ósann­gjarnt að fjöl­miðlar og fleiri hafa treyst sér til að fjalla um málið eða hafa í frammi ummæli um það án þess að hafa haft sam­band við mig eða kynnt sér málið frá öllum hliðum.“