Björn Birgisson, samfélagsrýnir og Grindvíkingur, birti um helgina opið bréf sem hefur farið víða á samfélagsmiðlum. Það biðlar hann til Ríkisútvarpsins um að panta ekki fleiri þætti með Frímanni Gunnarsyni, sem Gunnar Hansson leikur. Smáborgarasýn Frímanns hóf göngu sína á RÚV dögunum.
Björn segist forðast sjónvarpið sitt þá daga sem þættirnir eru í sýningu. „Til þeirra sem ráða dagskránni í sjónvarpi RÚV. Sem almennur borgari í landinu, borgari sem vill forðast almenn leiðindi í sjónvarpi allra landsmanna, fer ég þess á leit að „heimsborgarinn“ Frímann Gunnarsson verði ekki fenginn til frekar til þáttagerðar fyrir RÚV á kostnað almennings,“ segir Björn og heldur áfram:
„Maðurinn (týpan) er svo niðurdrepandi tilgerðarlegur og leiðinlegur að maður foraðst nærveru við sjónvarpið þá daga sem þættirnir hans eru auglýstir, til þess að þurfa örugglega ekki að lendaí því að sjá honum bregða fyrir.“
Þessu opna bréfi Björns hefur verið deilt víða á Facebook og sitt sýnist hverjum. Nú hefur Frímann sjálfur brugðist við þessu og segir þetta enn eitt dæmið um tröllin sem ráðast gegn honum. „Það er allt reynt. Allt. En svona fyrir utan vægðarlausa atlögu að persónu minni þá er ég þó sammála Birni um almenna eyðslu skattfés í „Ríkissjónskekkjuna“, enda aldarið á móti sköttum yfir höfuð.. og afnám þeirra myndi strax leysa vandamál eins og RÚV og fjölmörg önnur. Hashtag,“ skrifar Frímann á Facebook.
Athugasemdir