Íslendingar á Tenerife óttast Covid-framhaldið – Neyðarfundur yfirvalda í dag um jólavertíðina

Svo virð­ist sem heil­brigð­is­yf­ir­völd á Tenerife hafi misst Covid-far­ald­ur­inn úr bönd­unum og þriðja bylgjan hefur skollið á eyj­una af krafti. Eyjan er nú sú eyja í Kanarí­eyja­kla­s­anum sem verst hefur orðið úti í far­aldr­inum og fer nýgengi smita þar ört hækk­andi. Jólaferð hund­ruð Íslend­inga er nú í upp­námi og yfir­völd eru í dag á neyð­ar­fundum til að ræða tals­vert hertar sótt­varn­ar­að­gerðir yfir hátíð­irnar.

Á síð­asta sól­ar­hring lét­ust sex manns af völdum Covid-19 á Tenerife. Inn­an­lands­smit mæl­ast nú fjölda­mörg dag hvern og ljóst þykir að veiran grass­erar nú á eyj­unni. Frá og með föstu­deg­inum næsta hefur það verið fest í lög að allir far­þegar sem koma til Tenerife þurfa að sýna fram á nei­kvætt Covid-próf.

Inni á Facebook-hópum áhuga­samra Íslend­inga um Tenerife má nú finna ótta­slegnar raddir um neyð­ar­fundi dags­ins í dag og til hvaða hertu aðgerða verði gripið af hálfu yfir­valda yfir jóla­há­tíð­ina. Þær verða til­kynntar síðar í vik­unni. Nú þegar hafa stórar ferða­skrif­stofur í álf­unni boðað nið­ur­fell­ingu ferða og hót­el­rek­endur á Tenerife hafa margir boðað lok­anir yfir hátíð­irnar.

Þeir Íslend­ingar sem á eyj­unni búa eru minnugir hinu langa útgöngu­banni sem stóð yfir svo mán­uðum skiptir í fyrstu bylgj­unni síð­asta vetur. Nú þegar eru í gildi tak­mark­anir á úti­vist frá því klukkan eitt eftir mið­nætti til klukkan sex að morgni og nú er talið að enn frekara úti­vist­ar­bann verði sett á.

Tenerife eyjan er sú eyja í Kanarí­eyja­kla­s­anum sem verst hefur orðið úti í Kór­ónu­veiru­faldr­inum og hafa smitin nú náð yfir 10 þús­und tals­ins. Hundruð Íslend­inga stefna þangað út yfir hátíð­irnar og hertar sótt­varn­ar­að­gerðir sem þar hafa verið settar á kunna að setja ferð þeirra í upp­nám.

Eins og áður sagði eru Kanarísk sótt­varn­ar­yf­ir­völd á neyð­ar­fundum í dag. Hvernig hertar sótt­varn­ar­að­gerðir koma til með að hafa áhrif á jóla­ferð fjölda Íslend­inga á eftir að koma fljót­lega í ljós. Ferða­krif­stofan Vita hafði ráð­gert tvær brott­farir til Tenerife og eina til nágranna­eyj­ar­innar Gran Canaria en þessar þrjár ferðir hafa nú verið sam­ein­aðar í eitt jóla­flug. Flogið verður 22. des­em­ber frá Keflavík með 262 far­þega um borð.

Þórólfur Guðnason sótt­varn­ar­læknir varar enn við öllum ferðum til útlanda og eru öll lönd skil­greind sem áhættu­svæði. Farþegar sem koma til lands­ins hafa val um tvö­falda skimun, með 5 daga sótt­kví á milli, eða 14 daga sótt­kví. Skimun á landa­mærum er gjald­frjáls til 31. jan­úar.