Framkvæmdastjórn Landspítala segist ekki bólusett: „Nei guð minn góður, það er langt í mig“

Landpsítal­inn þver­tekur fyrir að Páll Matth­í­as­son for­stjóri og aðrir með­limir fram­kvæmda­stjórnar spít­al­ans hafi verið bólu­settir. Mannlíf óskaði eftir lista yfir alla þá starfs­menn Land­spít­ala sem bólu­settir hafa verið fram til þessa en hann fæst ekki afhendur því stangur lög­vernd­aður trún­aður ríkir þar um.

Saga þess efnis að öll fram­kvæmda­stjórnin hafi verið bólu­sett flýgur nú fjöllum hærra í sam­fé­lag­inu. Anna Sigrún Bald­urs­dóttir, aðstoða­maður for­stjóra, þver­tekur fyrir að hafa sjálf verið bólu­sett og hið sama eigi við um aðra með­limi stjórn­ar­innar, að und­an­skildum Jóni Hilmari Frið­riks­syni. Aðspurð segir hún Pál for­stjóra ekki heldur hafa verið bólu­settan. „Nei guð minn góður, það er langt í mig. Ég verð sjálf­sagt síð­ust á spít­al­anum enda er ég ekki að sjá neina sjúk­linga. Það verður ekki fyrr en sér­greinar stjórn­ar­með­lima fara á list­ann enda engin ástæða til þess fyrr,“ segir Anna.

Anna Sigrún telur sig verða jafn­vel síð­asta á spít­al­anum til að verða bólu­sett.

Anna bendir á að mögu­lega hafi þessar sögu­sagnir farið af stað sökum þess að þegar fyrstu umferðir bólu­setn­ina fóru af stað hafi tals­vert af stjórn­endum heilsu­gæsl­unnar verið bólu­settir. „Það var vænt­an­lega vegna þess að þeir meta það svo að þeir eru að sjá sjúk­linga sem geti verið Covid-smit­aðir. Því er hins vegar ekki til að dreifa hjá okkur á Land­spít­al­anum enda er reglu­gerðin um þetta mjög skýr,“ segir Anna.

Stefán Hrafn Hagalín, deild­ar­stjóri sam­skipta­deildar Land­spít­al­ans, styður frá­sögn Önnu Sigrúnar. „Við höfum fram til þessa ein­ungis bólu­sett fram­línu­starfs­fólk og fólk í mik­illi smit­hættu í sínum störfum. Farið er eftir reglu­gerð heil­brigð­is­ráð­herra í þeim efnum og strangur trún­aður þar að lút­andi,“ segir Stefán.