59 prósent verðmunur í apótekum – VERÐKÖNNUN – Aldraðir og öryrkjar eiga betra skilið

Þú getur sparað þér 59 pró­sent með því að versla við ódýrasta apó­tekið í stað þess dýrasta. Ódýrustu apó­tekin eru Costco og Lyfja­búrið, þær dýr­ustu Borgar Apótek, Árbæj­ar­apó­tek og Lyfja.

Í verð­könnun vik­unnar skoð­aði Mannlíf verð hjá 19 lyfja­versl­unum á höf­uð­borg­ar­svæð­inu. Í ljós kom gríð­ar­legur verð­munur á lausa­sölu­lyfjum hjá þeim. Með því að versla við þær lyfja­versl­anir sem bjóða hag­stæð­ustu verðin getur þú sparað allt að 59 pró­sent. Einnig getur borgað sig að skoða hvaða lyfja­verslun gerir vel við við­skipta­vini sína í formi afsláttar. Afsláttur fyrir eldri borg­ara og öryrkja var frá 0 til 10 pró­sent.

Framkvæmd könnunar

Við gerð könn­un­ar­innar var hringt í allar lyfja­versl­an­irnar og verð fengin þannig. Ein und­an­tekn­ing var þegar hringt var í Garðs Apótek, þar var vísað á vef­síðu. Þar voru öll lyfin í könn­un­inni á afslætti. Miðað var við fullt verð til þess að gæta fyllstu sann­girni, auk þess sem könn­unin á við um að mæta á stað­inn og versla lyfin. Vart varð við mikla tor­tryggni á sumum stað­anna og taldi við­mæl­and­inn í fyrstu að önnur lyfja­verslun væri að hringja og njósna um verðin hjá þeim. Það er morg­un­ljóst að álagn­ingin er mis­jöfn, þó voru tvær lyfja­versl­anir sem skáru sig úr fjöld­anum. Árbæj­ar­apó­tek og Lyfja voru með nákvæm­lega sömu verðin á öllum fjórum vör­unum.

Afslættir – Skammar­legt að sjá að ekki er hægt aðgera betur við aldr­aða og öryrkja

Hvað varðar afslátt á lausa­sölu­lyfjum til öryrkja og eldri borg­ara var afslátt­ur­inn mjög mis­jafn, og sums staðar hrein­lega ekki í boði.  10 pró­sent var hæsti afsláttur til þess­arra hópa, 3 pró­sent sá lægsti. Eitt apó­tek gerði upp á milli eldri borg­ara og öryrkja á þann hátt að eldri borg­arar fá 10 pró­sent en öryrkjar ein­ungis 5 pró­sent, sú lyfja­verslun var Lyfja. Sumar lyfja­versl­an­irnar gáfu upp afslátt á öðrum vörum, eða afslátt í verslun (hér er ekki átt við lausa­sölu­lyf). Enn­fremur voru tvær lyfja­versl­anir sem bjóða upp á svo­kall­aðan nágranna afslátt. Efsta­leitis Apótek býður 5 pró­sent nágranna afslátt og Lyfja­búrið 10 pró­sent.

Niðurstöður verðkannaninnar

Þar sem allir hafa ekki aðgang að lyfja­verslun Costco, voru gerðar tvær útgáfur af útreikn­ingi þegar Costco átti lægsta verðið.

 Panodil 30 stykki

Costco var með lægsta verðið en Árbæj­ar­apó­tek og Lyfja með það hæsta. Panodil  er því 36 pró­sent ódýr­ara í Costco.

Lyfjaver var með lægsta verðið á eftir Costco, 32 pró­sent lægra verð á Panodil en hjá Árbæj­ar­apó­teki og Lyfju.

Benylan 2,8 hóstamixtúra (þessi bláa)

Lyfja­búrið var með lægsta verð en Borgar Apótek með það hæsta. Benylan er því 59 pró­sent lægra hjá Lyfja­búr­inu.

Otrivin nefúði

Costco var með lægsta verðið en Árbæj­ar­apó­tek og Lyfja með það hæsta. Otrivin nefúði er því 35 pró­sent ódýr­ari í Costco.

Farmasía var næst ódýr­ast á eftir Costco og býður því Otrivin á 27 pró­sent lægra verði en Árbæj­ar­apó­tek og Lyfja.

Paraset stílar 60mg, 10 stykki

Costco var með lægsta verð en Árbæj­ar­apó­tek og Lyfja með það hæsta. Stíl­arnir eru því á 38 pró­sent lægra verði hjá Costco.

Farmasía var næst ódýr­ast á eftir Costco. Stíl­arnir eru því 30 pró­sent ódýr­ari þar en hjá Árbæj­ar­apó­teki og Lyfju.