„Niðurlægjandi fyrir stráka að tapa fyrir stelpum?“

Í dag fer fram árs­þing Körfuknatt­leiks­sam­bands Íslands. Þá kemur í ljós hvort sam­þykkt verði að stelpna­lið og strákalið í körfu­bolta fái að spila í sama flokki á Íslands­móti fram til 14 ára ald­urs.

Tillaga þessi kom frá Ung­menna­fé­lagi Kjal­nes­inga, þar sem Brynjar Karl Sig­urðs­son, hinn marg­um­ræddi og umdeildi körfu­bolta­þjálf­ari starfar nú.

Brynjar Karl var rek­inn frá ÍR, eftir að stúlkna­lið hans neit­aði að taka við verð­launum eftir sigur á Íslands­móti, sökum þess að þeim hafði verið meinað að keppa við stráka. Stúlk­urnar létu verð­launa­pen­inga sína falla í gólfið í mót­mæla­skyni.
Í kjöl­far brott­rekst­urs­ins stofn­aði Brynjar körfuknatt­leiksliðið Aþenu sem leikur undir hatti UMFK.

Einn sig­ur­sæl­asti körfuknatt­leiks­þjálf­ari lands­ins, Finnur Freyr Stef­áns­son tjáir sig um málið á Facebook síðu sinni í dag:

„Fyrir það fyrsta þá fagna ég því að Brynjar Karl, þjálf­ari UMFK/Aþenu, stígi fram á þessum vett­vangi og beri fram þessa til­lögu. Þá vona ég að allir þing­full­trúar verði þeirra gæfu aðnjót­andi að sam­þykkja til­lög­una.“

Finnur seg­ist ekki sjá neinar nei­kvæðar afleið­ingar þess að leyfa kynja­blönd­un­ina. Hann segir jafn­framt: „ … og ef ein­hverjum dettur það nú í hug að það yrði svo nið­ur­lægj­andi fyrir stráka að tapa fyrir stelpum – þá vil ég bjóða við­kom­andi vin­sam­leg­ast að koma sér út úr þeirri forn­eskju­hugsun að það sé ein­hver meiri skömm að tapa fyrir stelpum en strákum.“