Martröðin byrjaði út af afbrýðisemi – Svala með trylltan eltihrelli á bakinu

„Það var að kvöldi 23. nóv­em­ber sem það er bankað á dyrnar hjá mér og sonur minn er sóttur af ákveðnum aðila. Hann fer með hann í 75 mín­útna bíltúr þar sem hann verður fyrir frels­is­svipt­ingu, ofbeldi og morð­hót­unum. Honum er síðan skilað með leigu­bíl. Síðan þá hefur okkar martröð haf­ist, hún er búin að vera meira og minna linnu­laus, með smá pásu á nýju ári. Hún er nú komin af stað af fullum krafti með morð­hót­unum, eigna­tjóni og það er búið að brjóta nálg­un­ar­bann, brjóta það tvö­falt, bæði gagn­vart mér og syni mínum. Hann veigrar sér ekk­ert við það að fara alla leið.“

Þetta sagði Svala Lind Ægis­dóttir í við­tali við Bítið í morgun. Mál hennar hefur vakið nokkra athygli eftir að hún lýsti ástand­inu í stöðu­færslu á Facebook í gær. Hún seg­ist ráð­þrota gagn­vart þessum manni en líkt og svo oft áður þá er lítið gagn í lög­regl­unni. Hún segir rót máls­ins vera afbrýði­semi vegna stelpu.

„Þessi stúlka er að vinna á sama vinnu­stað og sonur minn, það þarf ekki meira en það til. Við­kom­andi er fyrr­ver­andi kær­asti stúlku sem er að vinna með syni mínum. Hann bankar upp á bara eins og hver annar, maður er ekki að gera ráð fyrir því að fá glæpa­mann inn til sín. Svo ég kalla bara á son minn, sem kemur til dyra og það er bara þegj­andi og hljóða­laust labbað út. Ég fæ þessa óþægi­legu til­finn­ingu svo ég fer strax á stað að fylgj­ast með og hringja linnu­laust í son minn meðan hann er í burtu. Ég þekkti ekki þennan aðila,“ sagði Svala.

Þá var hún spurð hvort þetta væru einu tengsl þeirra tveggja. „Þeir eiga þá sögu að þeir hafa æft á sömu lík­ams­rækt­ar­stöð. Þar með er það upp­talið. Honum var sem sagt hótað að ef við myndum snúa okkur til lög­reglu eða segja ein­hverjum frá þá myndum við öll láta lífið. Síðan hefj­ast bara enda­laus sím­töl, úr leyni­núm­eri og úr hans eigin síma, skila­boð, jafn­vel í gegnum annað fólk, skila­boð í gegnum Instagram. Hótanir. Keyra fyrir utan heima hjá okkur með látum og ann­ar­legu akst­urs­lagi fram og til baka, í rólegu hverfi. Hann áreitir okkur á vinnu­stað, kemur á vinnu­stað­inn, þar sem hann sker á dekkin á bílnum mínum. Það var allt tekið upp á mynda­vél. Við höfum bara mikið af sönn­unum um að hann hefur marg­ít­rekað brotið nálg­un­ar­bann.“

Hún seg­ist hafa farið til lög­regl­unnar fyrst þann sama dag og martröðin byrj­aði. Lög­reglan hafi vitað af þessu öll. „Lög­reglan er búin að standa sig ótrú­lega vel í því að reyna að vernda okkur og passa upp á okkur. Gera það sem hún getur. En lög­gjaf­ar­valdið gefur henni ekki heim­ild til að gera mikið meira en hún hefur gert. Ákæru­svið lög­regl­unnar. Við höfum verið með nálg­un­ar­bannið í þrjá mán­uði og hann er margoft búinn að brjóta það. Hann hefur kannski verið tek­inn í til­tal en hann hefur ekk­ert verið lát­inn dúsa inni. Hann er ekki settur í síbrota­gæslu þrátt fyrir ítrekuð brot.“

Heimir Karlsson þátta­stjórn­andi var þá hissa og taldi morð­hót­an­irnar eiga að duga til þess að taka hann úr umferð. „Ég er bara svo heið­ar­legur borg­ari að ég hélt að það væri nóg að nema mann á brot og frels­is­svipta. Ég hélt að það væri akkúrat það sem þyrfti til þess að fá fólk á bak við lás og slá. Ég er í miklum sam­skiptum við lög­regl­una, á tíma­bili oft á dag,“ sagði Svala Lind.

Nýjasta atvikið var í gær­morgun að hennar sögn. „Þegar ég kem að bílnum mínum með brotnum rúðum,“ sagði Svala en myndir af því má sjá hér fyrir ofan. Viðtalið má heyra í heild sinni hér.