Hinrik er sagður eltihrellir og Íslandsmeistari: „Hef alltaf verið svolítið „all in” í öllu“

Hinrik Ingi Ósk­ars­son er sagður elti­hrellir Svölu Lindar Ægis­dóttur og fjöl­skyldu hennar. Svo herma heim­ildir Mannlífs. Hann hefur ítrekað ratað í fjöl­miðla en hann var Íslands­meist­ari í Crossfit árið 2016 í stutta stund. Hann var sviptur þeim titli eftir að hann hótað tveimur starfs­mönnum lyfja­eft­ir­lits­ins en þeir hugð­ust taka hann í lyfja­próf. Árið 2019 var hann svo settur í bann eftir að frammi­stöðu­bæt­andi efni, ost­ar­ine og RAD-140, fund­ust í sýni hans eftir Reykja­vík CrossFit Championship.

Svala Lind opn­aði sig fyrst á Facebook um málið en þar sagð­ist hún ráða­laus gagn­vart elti­hrelli sem hefði kvalið hana í nokkra mán­uði. Hún greindi ekki frá nafni hans líkt og lesa má í eft­ir­far­andi texta: „XXXXXX var hér undir morg­unn fyrir UTAN heim­ilið mitt þrátt fyrir nálg­un­ar­bann. Hann framdi brot á nálg­un­ar­banni og eign­ar­spjöll á bílnum mínum. Ég er með upp­tökur af sím­tölum til mín með líf­láts­hót­unum í minn garð sem og minna nán­ustu. Sonur minn er líka búinn að fá líf­láts­hót­anir og ótelj­andi sím­töl frá XXXXXX.“

Svala lýsti svo dag­legu áreit í Bítinu á Bylgj­unni í gær en að hennar sögn hófst það vegna afbrýð­is­semi Hinrik í garð sonar hennar. Hann vinnur með fyrr­ver­andi kær­ustu Hinrik. „Síðan hefj­ast bara enda­laus sím­töl, úr leyni­núm­eri og úr hans eigin síma, skila­boð, jafn­vel í gegnum annað fólk, skila­boð í gegnum Instagram. Hótanir. Keyra fyrir utan heima hjá okkur með látum og ann­ar­legu akst­urs­lagi fram og til baka, í rólegu hverfi. Hann áreitir okkur á vinnu­stað, kemur á vinnu­stað­inn, þar sem hann sker á dekkin á bílnum mínum. Það var allt tekið upp á mynda­vél. Við höfum bara mikið af sönn­unum um að hann hefur marg­ít­rekað brotið nálg­un­ar­bann.“

Mannlíf gerði til­raun til að ná tali af Hinrik án árang­urs. Hinrik var hins vegar í drottn­ing­ar­við­tali hjá Trendnet árið 2016 þar sem hann lýsti sjálfum sér með þessum orðum: „Léttur, ljúfur og kátur!!“. Hann ætti það þó til að vera „all in“ í áhuga­málum sínum. Hann sagð­ist hafa fyrst orðið Íslands­meist­ari þegar hann var rétt ríf­lega tví­tugur:

„Já ég hef verið í íþróttum síðan ég man eftir mér – hef alltaf verið svo­lítið “all in” í öllu sem ég hef áhuga á og vil alltaf ná sem lengst í öllu sem ég tek mér fyrir hendur. Ég stund­aði fót­bolta með Breiða­blik frá 5 ára aldri þangað til ég var 19 ára og stund­aði Motorcross sam­hliða því frá 10 ára aldri og keppti í því í mörg ár og krækti mér í einn íslands­meist­ara titil árið 2011 í þeirri grein!“