Óhugnanleg ráðgáta í Norðurmýrinni – Kettirnir hverfa – „Ég fer með mína í beisli út í garð“

Óhugur er meðal katta­eig­enda í Norð­ur­mýr­inni í Reykja­vík þar sem óeðli­lega margir kettir hverfa þar. Íbúar telja allar líkur á því að dýra­níð­ingur búi meðal þeirra. Fólk er hvatt til þess að hleypa ekki kött­unum sínum út innan Facebook-hóps íbúa.

Þetta er ekki í fyrsta skipti sem katt­ar­eig­endur eru varaðir við í hverf­inu, líkt og Mannlíf greindi frá í jan­úar. Þá sást svart­klæddur maður reyna að hrifsa kött af göt­unni. „Það var aug­ljóst að mað­ur­inn var ekki dýra­vinur og vildi ég því láta nágranna vita og biðja ykkur um að huga vel að kis­unum ykkar,“ sagði Haf­steinn nokkur þá.

Í gær spyr svo Perla nokkur nágranna sína hvað sé af frétta af mál­inu. „Ég þori varla að hleypa kis­unni minni út nú þegar svona margar kisur eru að týn­ast. Hver er staðan á þessu máli, er lög­reglan að skoða þetta? Eruð þið að hleypa ykkar kisum út?,“ spyr hún.

Því svarar nágranni hennar: „Við hjá Dýrfinna höfum verið að skoða þetta mál. Það er óvenju­lega mikið af kisum að týn­ast. Per­sónu­lega myndi ég halda kisum inni eða kaupa GPS ól.“ Dýrfinna er smá­forriti sem aðstoðar við fólk við að finna dýr.

Elísabet nokkur tekur undir. „ég geng um Norð­ur­mýr­ina nán­ast dag­lega, og hef tekið eftir því að það er varla köttur á ferð, ég biðla til katt­ar­eig­enda að halda þeim inni, það til níð­ing­ur­inn finnst, þetta er mjög óeðli­legt finnst mér,“ skrifar hún.

Ein kona hefur þó fundi ákveðna lausn við þessu óhugn­an­lega vanda­mál. „Ég fer með mína í beisli út í garð og hugsa að það verði bara fram­tíðin, því ég vil frekar hafa auga með henni og stjórn á aðstæðum en að hún komi sér í klandur hvort sem er af manna völdum eða annað. Það tók smá tíma að venja hana á beislið og hún reynir enn að sparka í mig þegar ég set það á en hún elskar að vera í því úti og það stoppar hana ekk­ert af.“