Ríkislögreglustjóri hefur í samstarfi við Þórólf Guðnason sóttvarnalækni hefur ákveðið að banna þeim sem ekki eru bólusettir eða með mótefni gegn Covid að fara á gosstöðvarnar við Fagradalsfjall. Ástæðan er sú mikla sýkingarhætta sem er á svæðinu og sérstaklega þar sem kaðlar eru til stuðnings. Frá og með miðnætti má enginn mögulegur smitberi fara á þessar slóðir.
En vegna þess að bannið stenst illa jafnræðisreglu hefur verið ákveðið að bjóða þeim sem ekki hafa enn séð gosstöðvarnar á fá forgang í bólusetningu. Til þess hafa verið teknir frá 2000 skammtar af bóluefninu Sputnik V. Ekki liggur fyrir hvort skömmtum verður fjölgað ef ásókn verður meiri en sem þessu nemur. Þeir sem hafa þegar séð gosið fá ekki bólusetningu með forgangi. Vilji fólk komast í forgang getur það mætt í Laugardalshöllina kl. 12 á hádegi. Þeir verða að hafa skriflega staðfestingu tveggja votta um að þeir hafi ekki þegar komið á gosstöðvarnar. Reiknað er með að bólusetningu ljúki kl. 17 í dag. Það fer svo eftir ásókn hvort bætt verður við bólusetningum á þessum forsendum. Kári Stefánsson, forstjóri Íslenskrar erfðagreiningar er mjög ósáttur við þessa framkvæmd.
„Þetta er fáránlegt í alla staði. Það hefði verið eðlilegra að banna öllum að fara á gosstöðvarnar. Ég veit ekki hvað Þórólfur er að hugsa með þessu,“ segir Kári sem sjálfur hefur verið bólusettur.
Athugasemdir