Samfélagsmiðlastjarnan Lára Clausen biðlar til almennings um aðstoð eftir að bifreið hennar var stolið úr læstum bílakjallara aðfaranótt föstudagsins 5. júní.
Í færslu sem Lára birti á Facebook segir hún að tveir menn hafi stolið hvítum Ford Mustang-bíl hennar, sem ber skráningarnúmerið DRZ69.
Ekki liggur fyrir hvort lögreglan hafi þegar fundið einhverjar vísbendingar um ferðir bifreiðarinnar eða hverjir stóðu að þjófnaðinum.
Lára hefur um langt skeið verið meðal þekktustu áhrifavalda landsins og byggt upp stóran fylgjendahóp á samfélagsmiðlum. Hún hefur jafnframt vakið athygli undanfarna mánuði vegna sambands síns við Jens Hilmar Wessman, sem er elsti sonur Róberts Wessman, forstjóra Alvotech og eins auðugasta athafnamanns landsins.
Þeir sem kunna að hafa upplýsingar um málið eru hvattir til að hafa samband við lögreglu
