Costas Kadis, sjávarútvegsstjóri Evrópusambandið, segir sambandið opið fyrir því að veita Íslandi mögulegar undanþágur í sjávarútvegsmálum í tengslum við aðildarviðræður. Hann telur að „klárlega sé svigrúm“ til að ná samkomulagi á því sviði.

Þetta kom fram í frétt Financial Times, þar sem fjallað var um fyrirhugaða þjóðaratkvæðagreiðslu um framhald viðræðna Íslands við Evrópusambandið. Kadis var staddur hér á landi í síðustu viku og átti þá fund með Hönnu Katrínu Friðriksson atvinnuvegaráðherra.

Aðspurður um mögulegar undanþágur í sjávarútvegsmálum sagði Kadis að slíkt yrði hluti af viðræðunum. Hann bætti við að unnt væri að finna lausnir á helstu ágreiningsefnum, þar á meðal varðandi skiptingu sameiginlegra fiskistofna.

Kadis lagði jafnframt áherslu á að samskipti Íslands og Evrópusambandsins hefðu styrkst að undanförnu, meðal annars í ljósi breyttra aðstæðna á alþjóðavettvangi.