Fegurðardrottning frá Mexíkó fannst látin á heimili sínu í síðustu viku, og eru yfirvöld nú með tvo fjölskyldumeðlimi til rannsóknar vegna málsins.
Carolina Flores Gomez fannst með skotsár á höfði á miðvikudaginn 15. apríl, samkvæmt mexíkóska miðlinum Reporte Indigo. Talið er að hún hafi verið myrt sama dag en hún var aðeins 27 ára gömul.
Saksóknaraembættið í Mexíkóborg staðfesti að rannsókn á málinu standi yfir. Samkvæmt heimildum hafa yfirvöld meðal annars skoðað mögulega aðkomu tengdamóður hennar að málinu. Eiginmaður Gomez og tengdamóðir hennar voru að sögn á staðnum þegar hún lést, samkvæmt fréttum Univision.
Gomez hlaut titilinn Miss Teen Universe fyrir Baja California árið 2017 og vakti þá athygli fyrir þátttöku sína í fegurðarsamkeppnum.
Rannsókn málsins er enn á frumstigi og hafa yfirvöld ekki gefið frekari upplýsingar að svo stöddu.
