Rokkgoðsögnin Jack White birti háðsádeilu á Instagram þar sem hann gerði gys að Donald Trump eftir blaðamannafund forsetans í Hvíta húsinu. White notaði frumstætt „Hulk“-orðalag til að hæðast að yfirlýstum afrekum Trumps, þar á meðal hugrænum prófum hans, ummælum um Grænland og Kanada og stuðningsmönnum forsetans.

Jack skrifaði eftirfarandi:

„Ég gera afrek! Trump klár. Góður strákur á skilið Nóbelsfriðarverðlaun! Heilabilun? Hvað er það? NEI! Trump klár, stenst heila­próf, nefnir gíraffa. Ég forseti Venesúela og Kanada. Ég vilja Grænland líka til gamans. Mamma sagði Trump hefði getað verið frábær hafnarboltaleikmaður en líka stór bygging með rimlum á gluggum. Bygging fyrir mjög veikt fólk. Trump ekki veikur. Trump klár. MAGA. Mjög klárt fólk gerði Trump forseta. Mjög klárt fólk heldur Trump forseta Taka blund núna. Nota fölsuð, ég meina alvöru friðarverðlaun sem kodda. Trump afrek. Góða nótt.“

Færslan er nýjasta dæmið um opinber orðaskipti tónlistarmannsins og Trump, en White hefur um árabil gagnrýnt forsetann harðlega og kallað hann meðal annars ógn við Bandaríkin og heiminn allan. Á síðasta ári gagnrýndi hann innréttingar Trumps í forseta-skrifstofunni, sem kallaði fram hörð viðbrögð frá Hvíta húsinu.

White, sem var tekinn inn í Fræðgarhöll rokksins með The White Stripes í nóvember, hefur sagt andstöðu sína við Trump byggða á siðferðilegum forsendum. Hann og Meg White lögðu jafnframt fram höfundarréttarkæru gegn kosningateymi Trumps árið 2024 vegna notkunar lagsins Seven Nation Army, en málið var síðar fellt niður.