Sumt fólk vill eiga stór hús en annað fólk vill eiga lítil hús. Svo eru aðrir sem vilja hús í millistærð, ef svo mætti kalla. Slíkt hús er nú til sölu í Kópavogi.

Það er 139,8 m2 raðhús á einni hæð með aukinni lofthæð með innbyggðum bílskúr á barnvænum stað í Smáranum í Kópavogi. Fallegur garður er að aftanverðu með barnakofa, og kaldri i útigeymslu, stór nýleg verönd til suðvesturs með heitum potti með stýringu í appi.  Leiksvæði fyrir börnin er fyrir neðan garðinn og fylgir með hellulagt bílastæði með snjóbræðslu.

Eigendur hússins vilja fá 139.900.000 krónur fyrir það.