Afar glæsilegt einbýlishús á tveimur hæðum með fallegu útsýni við Fífuhjalla í suðurhlíðum Kópavogs hefur verið sett á sölu.

Húsið skiptist í tvær eignir. Aðaleignin er á tveimur hæðum og er alls 201 fm. Þrjú til fjögur svefnherbergi eru í þeirri íbúð og svo eru auðvitað tvö baðherbergi, tvær stofur, eldhús, þvottahús og bílskúr. Íbúðin á neðri hæðinni er 81,2 fm með sérinngangi, einu svefnherbergi, baðherbergi, þvottahúsi, stofu og eldhúsi.

Í dag er lokað á milli þessara tveggja íbúða en unnt væri að opna aftur á milli og nýta allt húsið fyrir eina fjölskyldu.

Arkitekt hússins er Guðfinna Thordarson.

Eigendurnir vilja fá 227.000.000 krónur fyrir húsið.