Rapparinn, grínistinn og skáldið Dóri DNA lét heldur betur í sér heyra þegar „söltun vikunnar“ í hlaðvarpinu Betri en flestir, sem hefur notið mikilla vinsælda á undanförnum vikum.

Dóri vildi „salta“ sánur og heita potta í heimahúsum en að „salta“ eitthvað þýðir í grunninn að það eigi einfaldlega að sleppa eða hætta einhverju.

„Ég er með söltun, hérna kemur það. Ég ætla að salta heimasánur og heimapotta. Mér finnst þetta lið sem er heima hjá sér að taka af sér myndir að fara í pottinn á kvöldin, mér finnst það í fyrsta lagi búið að skammta sér of stóra köku af lífinu, þið vitið hvað ég er að tala um. Ég held að þegar við tölum eitthvað að þægindi sé að gera okkur aum, ég held að það sé að vera með pott heima hjá sér, og með sánuna. Mér finnst líka eins og þú sért að svíkja samfélagið. Þú ert að verða af hinni íslensku baðmenningu. Fara í þína laug sem er starfrækt í þínu bæjarfélagi, hitta þitt fólk, sjá það allsbert undir sturtunni. Það eru allir jafnir undir sturtunni,“ sagði Dóri í þættinum.

Mörg mismunandi umræðuefni voru tekin fyrir í þættinum, þar á meðal grillaðgerðir, Herra Hnetusmjör og knattspyrna.