Þóra Elísabet Bernódusdóttir, sem var áður húsfreyja á fósturheimilinu Bakkakoti, er látin. Hún lést þann 18. apríl síðastliðinn samkvæmt dánartilkynningu sem birtist í Morgunblaðinu.

Þóra rak heimilið á sínum tíma ásamt Jóni Ársælssyni, sem lést árið 2003.

Nafn hennar var nýlega í umræðunni þegar fimm menn stigu fram í þættinum Kveik í febrúar og sögðu frá því að þeir hefðu orðið fyrir grófu ofbeldi á meðan þeir dvöldu þar sem drengir.

Í kjölfar umfjöllunarinnar ákvað Gæða- og eftirlitsstofnun velferðarmála (GEV), að beiðni félags- og húsnæðismálaráðuneytisins, að hefja frumkvæðisathugun á eftirliti með börnum í fóstri. Gert er ráð fyrir að niðurstöður þeirrar athugunar liggi fyrir í júní.