Lögregla hafði í nógu að snúast í gærkvöldi og í nótt og sinnti fjölbreyttum verkefnum, þar á meðal umferðareftirliti, útköllum vegna heimahúsa og aðstoð við björgun á sjó.

Alls voru sjö ökumenn stöðvaðir fyrir of hraðan akstur á tímabilinu og eiga þeir allir von á sektum vegna brotanna. Þá voru tveir ökumenn handteknir, grunaðir um akstur undir áhrifum fíkniefna. Þeir voru látnir lausir að lokinni blóðsýnatöku.

Lögreglu barst einnig tilkynning um aðila sem sagður var hafa farið inn um glugga í heimahúsi. Þegar komið var á vettvang reyndist atvikið eiga sér eðlilegar skýringar.

Í öðru útkalli var tilkynnt um hávaða í íbúðarhúsnæði. Lögregla fór á vettvang og ræddi við húsráðanda, sem brást við með því að lækka hávaðann.

Þá var tilkynnt um tvo einstaklinga sem höfðu lent í vandræðum á kajak eftir að þeir völtu. Björgunarsveit var kölluð til og tókst að bjarga þeim í land. Einstaklingarnir voru kaldir en ómeiddir og voru fluttir á bráðamóttöku til frekari aðhlynningar.