Inga Sæland
„Hrein og klár mannvonska og borgarstjórn til ævarandi skammar“
Inga Sæland
Innlent

Gréta María fer í mál við Samkaup

Innlent

Barna­nauð­gari gjald­þrota

Innlent

Aðskota­efni í kexi

Fólk

Átta algeng mis­tök sem gælu­dýra­eig­endur gera

Heimur

Kenn­ingar uppi um að geim­skip hafi stöðvað flug­um­ferð í Banda­ríkj­unum

Heimur

Orðrómur um staf­rænan heimsendi 17. nóv­em­ber vekur ótta

Skoðun

Það er ekki nægur mennta­hroki á Íslandi

Innlent

Ald­urs­mis­munun hjá lög­regl­unni undir stjórn Höllu Bergþóru

Innlent

Ísland sett í frystikist­una næstu daga

Innlent

Kven­fanga synjað um náðun þrátt fyrir alvar­leg veik­indi

Ingó Veðurguð í viðtali við Mannlíf: „Ég ætla ekki að láta eyðileggja mannorð mitt“

Mynd / Skjáskot RÚV.
Mynd / Skjáskot RÚV.

„Það eru fárán­legir hlutir sagðir um mig á net­inu. Þetta er sumt svo ljótt sem er skrifað um mig og glóru­laust,“ segir tón­list­ar­mað­ur­inn Ingólfur Þór­ar­ins­son, betur þekktur sem Ingó veð­urguð, í kjöl­farið á því að aðgerða­hóp­ur­inn Öfgar birti um helg­ina nafn­lausar frá­sagnir rúm­lega 20 kvenna sem lýsa kyn­ferð­is­of­beldi og áreitni af hálfu þekkts tón­list­ar­manns, Ingós. Þá hafa sögur og frá­sagnir tengdar honum tengst seinni #metoo-bylgj­unni á Íslandi og þá sér­stak­lega á sam­fé­lags­miðl­unum Twitter og TikTok. 

Þjóð­há­tíð­ar­nefnd sendi svo í morgun frá sér yfir­lýs­ingu þar sem kemur fram að Ingólfur muni hvorki koma fram á þjóð­há­tíð í ár né stýra brekku­söngnum eins og gert var ráð fyrir. Þjóð­há­tíð­ar­nefnd fékk fyrir helgi und­ir­skrifta­lista 130 íslenskra kvenna þar sem því er mót­mælt að Ingólfur stýrði brekku­söngnum.

„Ég ætla ekki að láta eyði­leggja mann­orð mitt svona þannig að ég bregst við þessu eftir réttum leiðum,“ segir Ingólfur sem er búinn að fá sér lög­fræð­ing og seg­ist halda utan um allt sem skrifað sé um sig, bæði varð­andi kon­urnar 20 og á kommenta­kerfum. „Og ég er ósáttur við ákvörðun Þjóð­há­tíð­ar­nefndar,“ segir Ingólfur sem seg­ist ekki vera í jafn­vægi til að meta það núna hvort hann muni síðar ef til þess kæmi vera beð­inn um að koma fram á Þjóð­há­tíð. 

„Ég er reiður yfir ýmsu; það er ekki gott að taka neinar ákvarð­anir þannig.“

Lög­fræð­ing­ur­inn mun vinna í tengslum við nafn­laus frá­sagn­irnar og er Ingólfur spurður hvort hann muni gera eitt­hvað varð­andi Þjóð­há­tíð­ar­nefnd.

„Ég mun svara eftir réttum leiðum alls staðar þar sem mér finnst það vera rétt og þar sem mér finnst vera komið rangt fram. Ég vissi svo sem að það er hægt að segja allt mögu­legt á kommenta­kerfum en það sem kom mér á óvart er hversu ljóta hluti er hægt að setja fram um fólk án þess að borin sé ábyrgð á því. Þetta er nafna­laust. Ég mun reyna að finna út hvaðan þetta kemur. Það eru bornar á mig ótrú­legar sakir. Ég hef hug­myndir um hvaðan þetta kemur en ég held að það sé ekki gott að fara sömu leið og við­kom­andi og saka fólk um ein­hverja hluti þannig að ég mun fara rétta leið með þetta. Það mun koma í ljós hvaða konur þetta eru. Ég er viss um það.“

Ingólfur er spurður hvort hann hafi lesið allar lýs­ingar kvenn­anna.

„Já“.

Kannast hann ekki við neinar þeirra?

„Nei.“

Mogginn teikn­aði Ingó.

Ingólfur barð­ist við Bakkus áður fyrr og hefur sagt frá því tíma­bili í við­tölum. Í hlað­varps­þætt­inum Milli­veg­inum sagði hann í febr­úar 2019: „Ég var aldrei gæinn sem fór úr að ofan uppi á borði, heldur meira þannig að það tók því aldrei fyrir mig að fara út að borða og fá mér eitt vín­glas eða öl. Það þurftu alltaf að vera fjórtán bjórar, átta tópas­skot, tveir sígar­ettu­pakkar og svo helst það sama dag­inn eftir.“ Og í Vísis-við­tali í júní sama ár sagði hann: „ „Þetta voru aldrei 2-3, svona 20-30 frekar, á hverju kvöldi og haldið áfram. Svo var maður bara orð­inn bens­ín­laus í tón­list­ar­brans­anum. Hvort sem að áfengið hafi valdið því eða að ég hafi bara keyrt mig út og hafi notað brenni­vínið til að halda mér gang­andi.“ Ingólfur seg­ist hafa fengið aðstoð árið 2018 varð­andi drykkj­una. 

Blaða­maður Mannlífs spyr Ingólf hvort hann muni alltaf það sem gerð­ist vegna þess­arar miklu drykkju meðal ann­ars eftir tón­leika.

„Já, ég veit alla­vega hvar ég var. Já, ég veit hvað ég hef verið að gera. Það eru ekki svona hlutir eins og búið er að skrifa að ég hafi gert.“

Ingó seg­ist ætla að berj­ast og verja mann­orð sitt.

Þekktur tón­list­ar­maður. Mynd­ar­legur. Hafa stelpur og konur verið á eftir honum?

„Það hefur alltaf verið eitt­hvað um það í gegnum árin.“

Hvernig hefur hann brugð­ist við þegar þær hafa sýnt honum áhuga?

„Það er bara allur gangur á því. Það er bara mis­jafnt.“

Ingólfur segir að það sem sé í gangi núna gegn sér muni ekki gera þeim gott sem verða fyrir ofbeldi.

„Þegar það er logið upp á ein­hvern og ógeðs­legir hlutir sagt um ein­hvern þá held ég að það hjálpi ekki þegar ein­hverjir vilja svo segja raun­veru­legar sögur af ofbeldi.“

Auðvitað líður henni illa

Ingólfur er spurður út í and­lega líðan sína síð­ustu daga.

„Ég hef aldrei verið þannig týpa sem er mikið að lýsa and­legri líðan. Ég reyni frekar að takast á við hlut­ina á réttan hátt ef þeir valda mér van­líðan. Þetta nýjasta er eitt­hvað sem ég tekst á við með réttum aðferðum. Þetta hefur haft verst áhrif á þá sem standa mér næst. Það eina sem ég get gert er að halda áfram og gera mitt og svo verður þessu svarað eftir réttum leiðum. Ég bara skipu­legg það sem ég þarf að gera og svara þessu eftir mínum leiðum. Þá líður mér betur.“

Ingólfur á kær­ustu í dag.

Auðvitað líður henni illa. Ég veit að henni líður illa en það þarf að fara rétta leið að þessu og svara þessu.“

Hann er spurður hvort hann sé róm­an­tískur þegar hann er í sam­bandi.

„Örugg­lega bara annað slagið.“

Á hann upp­á­halds róm­an­tískt lag?

„Já, ég á nokkur þannig. Ég held mikið upp á Elton John. Mér finnst „Your Song“ alltaf vera fal­legt lag.“

Your song eða Ég veit þú kemur. Þessi ágjöf í dag mun ekki stoppa Ingó veð­urguð í að koma fram sem tón­list­ar­maður þótt hann vilji fyrst að storm­inn lægi að mestu áður en hann siglir aftur frá landi. 

Öfgar sendu frá sér til­kynn­ingu vegna máls Ingós. Mynd / Ernir Eyj­ólfss­son Birtíngur

„Ég mun halda áfram en ég þarf fyrst að takast á við þetta almenni­lega,“ segir Ingólfur en bætir þó við að þar sem hann hafi í gegnum árin spilað og sungið á flestum stöðum á land­inu muni hann í fram­tíð­inni vera með tón­list­ina sem hlið­ar­verk­efni með öðru en þess má geta að Ingólfur rekur ásamt fleirum fyr­ir­tæki sem flytur inn ýmsar vörur, svo sem hreinsi­efni, frá Skotlandi.

Í fyrra var það heims­far­ald­ur­inn Covid-19 sem kom í veg fyrir að Ingólfur kæmi fram í brekku­söngnum og var hann þá í beinni útsend­ingu í flöt í Mos­fellsbæ og söng þar fyrir lands­menn. Nú er það þetta mál. Hann segir að hann hafi ekki verið far­inn að æfa lög fyrir brekku­söng­inn þar sem hann kann þessi lög svo vel en hins vegar hafi hann verið far­inn að setja sama laga­lista. Hvað ætlar hann að gera um versl­un­ar­manna­helg­ina í ár?

„Það er allt opið í því. Vinur minn er að hjálpa mér með allar bók­anir á tón­list­ar­verk­efnum og það kemur í ljós hvar ég verð.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Býður Trump að nefna heil­brigð­is­kerfi eftir sér

Abdul El-Sayed segist tilbúinn að láta forsetann fá heiðurinn af opinberu heilbrigðiskerfi, styðji hann að allir Bandaríkjamenn fái aðgang að þjónustu.
Heimur

Robert Patt­in­son næsti James Bond

Pólitík

Segir Hildi Björns­dóttur beita tvö­földum mæli­kvarða á fjár­mál borg­ar­innar

Heimur

Brand óskaði eftir auka­teppi og sér­sjampói í fang­els­inu

Pólitík

Sig­mundur sak­aði rík­is­stjórn­ina um „dára­skap“ og Kristrún svar­aði fullum hálsi

Innlent

Innlent

Átti að mæta á lög­reglu­stöð áður en dag­ur­inn var lið­inn

Nefnd um eftirlit með lögreglu hafði ákveðið að aðhafast ekki frekar.
Innlent

Lög­reglan fylgd­ist með ung­linga­drykkju á söng­keppni Verzló

Innlent

Leik­fanga­byssu­menn­irnir verða ákærðir

Innlent

VÍS vildi kenna slös­uðum starfs­manni um en tap­aði fyrir dómi

Innlent

Íslend­ingar flykkj­ast á bóka­söfnin sem aldrei fyrr

Innlent

Verð­munur á bök­un­ar­vörum nær 66 pró­sentum milli versl­ana