COVID-veikindi Dorritar veittu kærkomið frí

„Ég var búinn að vera alltof mikið á ferð og þó að það sé skrítið að segja það var eig­in­lega kær­komið að bara þurfa að vera heima,“ sagði Ólafur Ragnar Grímsson, fyrr­ver­andi for­seti Íslands, um nýlega ein­angr­un­ar­vist heima fyrir er eig­in­kona hans, Dorrit Moussiaeff, glímdi við COVID-19 sjúk­dóm­inn. Sjálfur hefur for­set­inn fyrr­ver­andi nokkrum sinnum verið próf­aður en prófin alltaf reynst nei­kvæð.

Ólafur Ragnar lýsti upp­lifun hjón­anna í Silfrinu á RÚV þar sem hann sagði það hafa verið ótrú­lega líf­reynslu að hafa þurft að loka sig algjör­lega af á heim­ili sínu. Dorrit sem er í áhættu­hópi hefur nú náð góðum bata. „Hún seg­ist sjálf aldrei hafa verið hress­ari og gengur upp á Esjuna annan hvern dag eða á hverjum degi. Ég hef sjálfur verið próf­aður nokkrum sinnum en alltaf verið nei­kvætt. Sem betur fer tókst þetta nokkuð vel en hún var að vísu nokkuð veik í fimm daga. Á meðan vorum við í algjörri ein­angrun og ég sá um það að hún fengi mat og annað.“