Hvetja menn til að raka af sér skeggið til að fyrirbyggja kórónasmit

Íslenskir læknar eru farnir að raka af sér skeggið vegna kórona­veirunnar sem veldur COVID-19. Þetta kemur fram í sam­tali Jóns Magnúsar Krist­jáns­sonar, yfir­læknis á bráða­mót­töku Land­spít­al­ans, við frétta­stofu RÚV. Jón Magnús hefur sjálfur rakað af sér skeggið í þágu sótt­varna og hann seg­ist vita um minnst tvo aðra lækna sem hafi gripið til þess ráðs.

„Þetta snýst um það að veiru­heldir maskar sem eru þétt upp við and­lit, þurfa að vera loft­þéttir og það eru þeir ekki ef við­kom­andi er með skegg,“ útskýrir hann og á þar við grímur sem heil­brigð­is­starfs­menn nota við störf sín.

Að sögn Jóns hefur far­sótta­nefnd hins vegar ekki gefið út sér­stök til­mæli varð­andi málið, að minnsta kosti ekki að svo stöddu. Eins og fram kemur í frétt RÚV hefur banda­ríska sótt­varna­eft­ir­litið hins vegar lýst yfir áhyggjum af skegg­vexti heil­brigð­is­starfs­fólks og sett sig upp á móti skegg­vexti. Það bendir á að grímur heil­brigð­is­starfs­manna verði að hylja að minnsta kosti nef og munn til að forð­ast dropa­smit frá veiku fólki. Brýnt sé að hár­vöxtur í and­liti nái ekki inn á það svæði sem inn­siglar grímuna við and­litið.