Aldraðir íbúar Hlífar á Ísafirði í sóttkví vegna Covid-19 – „Mikið áhyggjuefni“

Íbúar Hlífar á Vest­fjörðum hafa verið skip­aðir í sótt­kví eftir að Covit-smit greind­ist meðal íbú­anna. Um er að ræða þjón­ustu­í­búðir fyrir aldr­aða á Ísafirði. Gylfi Ólafsson, for­stjóri Heil­birgð­is­stofn­unar Vestjarða, segir greint smit meðal íbúa mikið áhyggju­efni.

Nú þegar hafa 19 íbúar Hlífar verið skip­aðir í sótt­kví og 58 íbúar þar að auki eru kvattir til að fara öllu með gát næstu daga. „Það er svo sann­ar­lega mikið áhyggju­efni að upp sé komið smit enda íbú­arnir allir eldra fólk. Fyrir utan hefð­bundnar sótt­varn­ar­að­gerðir er nú verið að sótt­hreinsa allt hús­næðið. Við erum að meta stöð­una og smitrakn­ing í gangi. Á meðan eru allar heim­sóknir bann­aðar og hluti íbú­anna kom­inn í sótt­kví,“ segir Gylfi.

Gylfi Ólafsson, for­stjóri Heil­brigð­is­stofn­unar Vest­fjarða

Vest­firð­ingar hafa áður glímt við hópsmit en í fyrri bylgju Covid-19  síð­asta vetur komu upp hópsmit á hjúkr­un­ar­heim­il­inu Bergi í Bol­ung­ar­vík og allir íbúar þess settir í sótt­kví. Senda þurfti fjöl­menna bak­varða­sveit til að sinna störfum á heim­il­inu í far­aldr­inum. Á Bergi lét­ust tveir heim­il­is­menn vegna veirunnar.

Aðspurður von­ast Gylfi ekki til þess að veiran nái við­líka útbreiðslu meðal íbú­anna og hún gerði í fyrri bylgj­unni. Hann biður íbúa Hlífar um að fara að öllu með gát á næst­unni. „Við hvetjum íbú­ana og í raun alla Ísfirð­inga til að fara var­lega næstu daga. Við vonum inni­lega að aðgerðir okkar núna nægi til að stoppa útbreiðsl­una.“