Irishman Pub er staðurinn í miðbænum sem lögreglan tengir við Covid-19

Veit­inga­stað­ur­inn Irishman Pub er Covid-19 stað­ur­inn í mið­borg­inni sem fjöldi fólks hefur smit­ast á. Frá þessu var greint rétt í þessu í til­kynn­ingu frá almanna­varna­deild Rík­is­lög­reglu­stjóra.

Lög­reglan telur nauð­syn­legt að hafa uppi á öllum þeim gestum sem sóttu stað­inn síð­ast­liðið föstu­dags­kvöld til þess að koma í veg fyrir frekar útbreiðslu veirunnar. Er þeim sem sóttu ofan­greindan stað umræddan dag á milli klukkan 16:00 og 23:00 boðið að mæta í sýna­töku. Til­kynn­ingin var gerð í sam­ráði við eig­endur stað­ar­ins.

Svona hljóðar til­kyn­ingin:

Sótt­varna­læknir og almanna­varna­deild rík­is­lög­reglu­stjóra hafa í sam­ráði við eig­endur The Irishman Pub, Klapp­ar­stíg 27 ákveðið að greina frá nafni veit­inga­stað­ar­ins þar sem talið er að fjöldi fólks hafi verið útsett fyrir COVID-19 smiti föstu­dags­kvöldið 11. sept­em­ber síð­ast­lið­inn.

Rétt er að taka fram að ekk­ert bendir til þess að sótt­vörnum hafi verið áfátt á veit­inga­staðnum sem um ræðir. Hætta á smiti er ávallt til staðar þar sem fjöldi fólks kemur saman.

Nauð­syn­legt er að hafa uppi á þeim sem þar voru til þess að koma í veg fyrir frekar útbreiðslu veirunnar. Er þeim sem sóttu ofan­greindan stað umræddan dag á milli klukkan 16:00 og 23:00 því boðið að mæta í sýna­töku. Á morgun, föstu­dag­inn 18. sept­em­ber, geta þeir sem þar voru farið á heima­síð­una wwww.heilsuvera.is og skráð sig í sýna­töku.

Sótt­varna­læknir og almanna­varnir biðla til þeirra sem sóttu ofan­greindan stað á umræddum degi að hafa hægt um sig þar til sýna­taka hefur farið fram og nei­kvæð nið­ur­staða liggur fyrir.