Útgerðarstjórinn Valdimar ósáttur: „Mér finnst það sem er í gangi fyrir neðan allar hellur“

Valdimar Stein­þórs­son, útgerð­ar­stjóri Hrað­frysti­húss­ins Gunn­varar á Ísafirði, er þeirrar skoð­unar að fjöl­miðlaum­fjöllun af frægum Covid-túr frysti­tog­ar­ans Júlíusar Geir­munds­sonar, sem fyr­ir­tækið gerir út, sé afbökuð. Hann telur sjó­prófin sem fyr­ir­huguð eru til­gangs­laus því lög­reglu­rann­sókn sem þegar er í gangi þjóni sama til­gangi. Aðspurður hvort hann ætli að mæta í sjó­prófin svarar hann engu.

„Við verðum að fara með straumnum hvernig þetta fer og getum lítið annað gert. Ég hef bara ekk­ert um þetta mál að segja. Það eruð þið sem tjáið ykkur og búið til fréttir, svo les maður þær. Af hverju eru ekki búnar til fréttir af því hvernig stétt­ar­fé­lögin eru að fara á eftir sínum mönnum? Mér finnst það sem er í gangi fyrir neðan allar hellur. Að menn borgi í eitt­hvað stétt­ar­fé­lag og það sé verið að nota þau gjöld til að taka þá niður og hengja þá. Ég get ekki séð neitt annað í þessu. Er ekki verið að leiða sann­leik­ann ljós með lög­reglu­rann­sókn? Er það ekki nóg? Það er mín per­sónu­lega skoðun,“ segir Valdimar.

Næsta mánu­dag eiga að fara fram sjó­próf vegna Covid-túr tog­ar­ans en þangað munu hvorki fram­kvæmda­stjóri útgerð­ar­innar né skip­stjóri tog­ar­ans, Sveinn Geir Arnasson, mæta til að bera vitni. Það gera þeir ekki því þeir eru með stöðu grun­aðra í lög­reglu­rann­sókn­inni sem Valdimar vísar til. Útgerðin þrá­að­ist við að afhenda sjó­bók­ina úr skip­inu en hún fékkst að lokum afhend í gær fyrir hér­aðs­dómi. Þar kom í ljós að frekar lítið var skrifað um Covid-veik­indi skip­verja í hinum þriggja vikna langa túr tog­ar­ans.

Einar Valur Krist­jáns­son, fram­kvæmdatjóri útgerð­ar­innar, vildi ekki ræða við Mannlíf um fyr­ir­huguð sjó­próf og hinn umdeilda Covid-túr tog­ar­ans. Aðspurður hvort honum þyki ekki mik­il­vægt að útgerðin skýri sín hlið gaf hann lítið út á. „Þetta er í ein­hverju ferli og ég get ekki tjáð mig neitt um það. Ég get ekki tjáð mig um starfs­manna­mál eða mál­efni útgerð­ar­innar í fjöl­miðlum. Ég tjái mig bara ekk­ert um þetta, Trausti, og segi takk fyrir í bili,“ segir Einar.