Reiðir leikskólastarfsmenn án bólusetningar í smithættu – „Við erum berskjölduð“

Mikil reiði er á meðal leik­skóla­starfs­manna vegna þess að leik­skól­arnir eru galopnir á meðan breska afbrigði kór­óna­veir­innar berst á milli fólks og þá ekki síst barna.

„Við erum í 8 flokki í bólu­setn­ingum og eng­inn búinn að fá bólu­setn­ingu. Við erum ber­skjölduð,“ sagði leik­skóla­starfs­maður sem Mannlíf ræddi við í morgun. Starfs­mað­ur­inn, sem þorði ekki að koma fram undir nafni af ótta við refsi­að­gerðir, sagði að reiði og ótti væri ríkj­andi á meðal starfs­fólks sem sett væri í þessa stöðu.

Fjöldi smita hefur komið upp á meðal barna und­an­farið og eru fjöl­margir í sótt­kví. Veiran hefur lagst þungt á ein­staka skóla og eru börn á meðal þeirra sem hafa sýkst. Rík­is­stjórnin greip til harðra aðgerða á mið­nætti þegar skólum, sund­laugum og lík­ams­rækt­ar­stöðvum var lokað. Þá er bannað að vera fleiri en 10 saman í hópi og tveggja metra reglan er í gildi ásamt grímu­skyldu.

Leik­skólar voru lok­aðir til hádegis en síðan er fólki þar gert að vinna við þessar aðstæður. Rík­is­stjórnin liggur undir ámæli fyrir sleif­ar­lag við að útvega bólu­efni. Aftur á móti hafa flestir fall­ist á nauð­syn þess að grípa til þeirra aðgerða sem nú standa til þess að ná niður sam­fé­lags­smiti. Ein­hverjir telja þó að aðgerð­irnar séu of harka­legar, ef litið sé til örfárra smita. Aðgerð­irnar nú standa fram yfir páska.