Meðferðarheimilið Lækjarbakki hóf störf í nýju húsnæði í Gunnarsholti og tók á móti sínu fyrsta barni í gær en þetta kemur fram í tilkynningu frá yfirvöldum.

Opnunin markar að sögn stjórnvalda mikilvægan áfanga í framhaldsmeðferð fyrir drengi sem glíma við vímuefnavanda en pláss verður fyrir sex börn á Lækjarbakka

„Löng bið er á enda og mikið fagnaðarefni að Lækjarbakki sé tekinn til starfa í nýju og endurbættu húsnæði” segir Inga Sæland, mennta- og barnamálaráðherra. „En betur má ef duga skal og eru fleiri járn í eldinum,“ segir Inga. „Nú er tími til að börnin okkar fái þá þjónustu sem þurfa. Börnin fyrst, svo allt hitt.“