27 ára gömul brúður var drepin þegar vopnaðir menn réðust inn í brúðkaupsveislu í þorpinu Goult í suðausturhluta Frakklands, en einn árásarmaður lést einnig í árásinni, að sögn saksóknara í dag.

Þrír aðrir slösuðust í árásinni, þar á meðal 13 ára gamalt barn og hinn 25 ára gamli brúðgumi. Bæði hlutu alvarlega áverka. Samkvæmt heimildarmanni tengdum rannsókninni gæti ofbeldið tengst uppgjöri í fíkniefnamálum.

Um klukkan 4:30 að morgni voru brúðhjónin að yfirgefa veisluna þegar þau mættu grímuklæddum árásarmönnum sem hófu skothríð.

Hin látnu eru brúðurin og einn árásarmannanna sagði Florence Galtier, saksóknarinn í Avignon. Samkvæmt fyrri upplýsingum var árásarmaðurinn keyrður niður af brúðhjónunum

Að sögn saksóknarans komu árásarmennirnir akandi og báru ýmis vopn. Þeir flúðu fótgangandi eftir árásina. Að sögn lögreglu voru alls 28 manns viðstaddir athöfnina í félagsheimili þorpsins á meðan árásin átti sér stað.

Yfirvöld hafa hafið rannsókn á málið.