Til sölu er glæsilegt einbýlishús við Baughús 26, staðsett á góðum og afar rólegum stað í Grafarvogi.

Húsið er á tveimur hæðum og er samtals 236,7 fermetrar að stærð, þar af er rúmgóður bílskúr 42 fermetrar. Eignin býður upp á fjölskylduvænt skipulag, gott rými og fjölbreytta möguleika til framtíðar.

Að auki er um 65 fermetra óskráð rými á neðri hæð með sérinngangi. Rýmið býður upp á mikla möguleika, til dæmis fyrir aukaíbúð, heimaleigu eða stækkun á núverandi íbúðarrými, sem gerir eignina sérstaklega áhugaverða fyrir þá sem horfa til sveigjanleika og verðmætaaukningar.

Nýlegt gler er í öllum gluggum og rafmagn hefur verið endurnýjað, sem eykur bæði þægindi og öryggi. Skipulag eignarinnar er vandað og hentar vel fyrir stórar fjölskyldur.

Í húsinu er anddyri, stór og björt stofa, borðstofa, eldhús, fjögur svefnherbergi, tvö baðherbergi, snyrting, þvottahús og bílskúr. Bílskúrinn er stór og þægilegur, auk þess sem hiti er í plani, sem er mikill kostur yfir vetrarmánuðina.

Eigendurnir vilja fá 158.900.000 krónur fyrir húsið.