Lögreglan á Suðurnesjum varar við svikurum í færslu sem hún birti á samfélagsmiðlum

„Netsvik eru sífellt að þróast og reglulega koma fram nýjar útgáfur af gömlum svikabrellum,“ segir í færslunni og birtir lögreglan mynd sem dæmi.

„Markmiðið er að blekkja fólk til að veita svikurum aðgang. Það sem ætti strax að vekja grun er að skilaboðin berast frá erlendu símanúmeri, í þessu tilviki frá Filippseyjum. Bankar á Íslandi senda almennt ekki skilaboð til viðskiptavina sinna frá slíkum númerum. Munið einnig að ef beiðni um auðkenningu með rafrænum skilríkjum birtist án þess að þið hafið sjálf verið að skrá ykkur inn eða staðfesta aðgerð, þá er ástæða til að staldra við og kanna málið.“

Þá minnir lögreglan fólk á að smella ekki á hlekki í grunsamlegum skilaboðum og að aldrei staðfesta auðkenningu sem það bað ekki um.