Fjölmiðlamaðurinn Egill Helgason segir frá því á Facebook-síðu sinni að hann hafi skellt sér í langa „ferð um Norðausturland“ og segir um slíkt ferðalag að þá sé það „sitthvað sem maður tekur eftir.“

Egill nefnir vegi:

„Vegir á svæðinu eru yfirleitt frekar góðir. Verða ekki fyrir svo miklu sliti vegna þungaflutninga, geri ég ráð fyrir.“

Egill segir að hann hafi „upplifað það á ferðum mínum vítt og breitt um landið í sumar að hraðinn í umferðinni er býsna hár - einum of myndi ég telja.“

Að mati Egils er fremur lítið um löggæslu á vegum úti:

„Maður verður mjög lítið var við löggæslu á vegum. Verst þykir mér hvað er algengt að ökumenn taki fram úr mörgum bílum í einu, jafnvel heilli bílalest. Nánast eins og það þyki töff. Skapar oft verulega hættu. Og svo eru margir sem nota ekki stefnuljós við framúrakstur“ og það finnst Agli vera hreinn „bjánaskapur.“