Ásbyrgi í Mosfellsbæ hefur verið sett á sölu en þar á ferðinni einstakt einbýli á fallegum stað.

Ásbyrgi er í miðri náttúruparadís en um leið er stutt í alla þjónustu. Þar er göngustígur meðfram Varmá sem rennur meðfram húsinu og sést út um glugga hússins.

Fallegar göngu- og hlaupaleiðir eru á svæðinu, fjöllin í kring og fleiri útivistarsvæði: Hafravatn, Hádegisfell, Úlfarsfell, Reykjafell og Helgafell allt í göngufjarlægð sem og Skammidalur, einstakt svæði fyrir útivistarfólk. Afskaplega rólegt og fjölskylduvænt svæði. Húsið er innst í botnlanga sem er með merktum einkavegi og því engin bílaumferð.

Lóðin sjálf er næstum því 1100 fm að stærð. Óskað er eftir tilboðum.