Þórir Jensen, stórkaupmaður og athafnamaður í Reykjavík, andaðist á Landspítalanum þann 2. október síðastliðinn, áttræður að aldri.
Þórir fæddist í Reykjavík 19. nóvember 1944. Foreldrar hans voru Pétur Vilhelm Jensen, kaupmaður á Eskifirði, og Svava Jensen, kaupkona frá Patreksfirði. Hann ólst upp í höfuðborginni og stundaði nám við Business School of London. Að námi loknu sneri hann aftur heim og hóf störf við hlið móður sinnar í heildsöluversluninni Jensen, Bjarnason & Co.
Árið 1966 kvæntist hann Helgu Valsdóttur, f. 1946, en þau áttu saman farsælt líf og fjölskyldu.
Þórir var framtakssamur maður og átti drjúgan þátt í að móta íslenskt viðskiptalíf á sínum tíma. Árið 1972 stofnaði hann fyrirtækið Bílaborg hf., sem hóf innflutning á Mazda-bílum beint frá Japan – nýbreytni á Íslandi á þeim tíma og sýn á framtíðina sem fáir höfðu.
Síðar tók hann aftur við rekstri fjölskyldufyrirtækisins Jensen, Bjarnason & Co., og árið 1993 stofnaði hann ásamt Helgu eiginkonu sinni verslunina Innréttingar & Tæki, sem þau ráku saman í nær þrjá áratugi. Á síðustu árum starfaði Þórir með dóttur sinni, Írisi Jensen.
Þórir og Helga eignuðust fjögur börn: Írisi, f. 1969, gift Grétari Þór Grétarssyni, f. 1971; Svövu, f. 1972, sambýlismaður Höskuldur Þór Höskuldsson, f. 1965; Helgu Völu, f. 1978, gift Magnúsi Pétri Haraldssyni, f. 1978; og Pétur Vilhelm, f. 1982.
Barnabörn þeirra eru níu talsins og eitt barnabarnabarn bætir enn við ættbogann.
Útför Þóris Jensen fer fram frá Bústaðarkirkju miðvikudaginn 23. október klukkan 13.
Komment