Karlmaður á Akureyri hefur verið ákærður fyrir fíkniefnalagabrot.

Maðurinn, sem er á fimmtugsaldri, hafði 0,56 grömm af tóbaksblönduðu kannabisefni í vörslum sínum þegar lögregla hafði afskipti af honum þann 4. febrúar 2025 á dvalarstað hans.

Halldór Tumi Ólason aðstoðarsaksóknari og lögreglustjórinn á Norðurlandi eystra eru ákærendur í málinu og þarf maðurinn að mæta fyrir dómstóla seinna í febrúar en málið verður tekið fyrir í Héraðsdómi Norðurlands.

Þess er krafist að ákærði verði dæmdur til refsingar og til greiðslu alls sakarkostnaðar.