Graham Linehan, einn af höfundum Father Ted og The IT Crowd, hefur verið ákærður fyrir áreitni og eignaspjöll.

Írski gamanleikjahöfundurinn, 56 ára, skrifaði á samfélagsmiðlum að ásakanirnar tengdust atviki á ráðstefnunni Battle of Ideas í London í október.

Breska ákæruvaldið staðfesti að Linehan hefur verið ákærður bæði fyrir áreitni án ofbeldis og fyrir eignaspjöll og á hann á að mæta fyrir dóm í 12. maí.

Í færslu á samfélagsmiðlum hélt hann því fram að ákæran tengdist kvörtun frá trans-aktívista. Undanfarin ár hefur Linehan ítrekað gagnrýnt réttindabaráttu transfólks.

Árið 2023 skrifaði hann í bók sinni, Tough Crowd: How I Made And Lost A Career In Comedy, að hann hefði misst feril sinn í gamanleik eftir að hafa „barist fyrir óvinsælu máli“. Linehan skrifaði Father Ted á tíunda áratugnum ásamt öðrum írskum höfundi, Arthur Mathews.

Lögreglan hefur neitað að tjá sig um málið.