Íris „eltihrellir“ og fjölskylda sögð hafa elt brotaþola heim úr réttarsalnum

Írisi Helgu Jón­atans­dóttur hefur verið birt nálg­un­ar­bann til tólf mán­aða í kjöl­far atviks sem átti sér stað á mið­viku­dag, eftir þriðja dag aðal­með­ferðar í umfangs­miklu umsát­ursein­elt­is­máli gegn henni. Frá þessu greinir Heim­ildin.

Samkvæmt heim­ildum mið­ils­ins kom Íris Helga ásamt fjöl­skyldu­með­limum að heim­ili pars sem er meðal brota­þola í mál­inu. Íris er sögð hafa lagt bif­reið sinni fyrir aftan bíl pars­ins og tekið það upp á síma. Skömmu síðar hafi móðir hennar, dóttir og stjúp­faðir komið á vett­vang.

Stjúp­fað­ir­inn er sagður hafa barið í fram­rúðu bif­reiðar pars­ins, kraf­ist þess að þau kæmu út og haft uppi sví­virð­ingar. Parið óskaði eftir aðstoð lög­reglu en fjöl­skyldan var farin þegar lög­reglu­menn komu á vett­vang.

Lögregla tók skýrslu af brota­þol­unum á fimmtu­dag og var Írisi Helgu í kjöl­farið birt nálg­un­ar­bannið.

Íris Helga er ákærð fyrir umsát­ursein­elti í 68 ákæru­liðum sem varða níu brota­þola. Hún hefur játað hluta brot­anna, meðal ann­ars rangar sak­ar­giftir.