Þjálfari kokkalandsliðsins: „Við setjum markið hátt“

„Áherslan núna á loka­metr­unum er að skerpa bragðið, fín­stilla stærð­ar­hlut­föll og ná keyrsl­unni á rétt­unum eins vel og hægt er. Við erum með bleikju í for­rétt, svart­rót, gúrku og íslenskt wasabi. Í aðal­rétt er lamba-fil­let, íslenskar kart­öflur, gul­rætur og grænar ertur. Eft­ir­rétt­ur­inn sam­anstendur síðan af skyri, kirsu­berjum, mjólk­ursúkkulaði og dökku súkkulaði,“ segir Sigurjón Bragi Geirsson, mat­reiðslu­meist­ari, kokkur árs­ins 2019 og nýr yfir­þjálf­ari liðs­ins.

Kokka­lands­liðið sem keppa mun á Ólymp­íu­leik­unum í febr­úar. Frá vinstri Snorri Victor Gylfason, Sigurjón Bragi Geirsson, þjálf­ari, Kristinn Gísli Jónsson, Snædís Xyza Jóns­dóttir Ocampo, Ísak Aron Jóhanns­son, Jakob Zarioh Bald­vins­son og Sindri Guð­brandur Sig­urðs­son.

Í lið­inu að þessu sinni eru Jakob Zarioh Bald­vins­son, 20 ára, vinnur hjá Von mat­hús, Snædís Xyza Mae Jóns­dóttir, 30 ára, vinnur á Mími á Hótel Sögu, Ísak Aron Jóhanns­son, 21 árs, vinnur hjá Lúx veit­ingum, Ísak Darri Þor­steins­son, 21 árs, einnig hjá Lúx veit­ingum, Kristinn Gísli Jónsson, 23 ára, starfar á veit­inga­staðnum Silfru, Sindri Guð­brandur Sig­urðs­son, 23 ára, einnig hjá Silfru og að lokum Snorri Victor Gylfason, 31 árs, sem vinnur hjá Símanum en er einnig aðstoð­ar­þjálf­ari liðs­ins. Fanney Dóra Sig­ur­jóns­dóttir sem áður hefur verið spilandi leik­maður í lið­inu er kynn­ing­ar­full­trúi liðs­ins en að auki munu, eins og áður, nokkrir mat­reiðslu­nemar fylgja lið­inu en þeir gegna marg­vís­legum mik­il­vægum hlut­verkum til að allt gangi smurt fyrir sig. Alls mun hóp­ur­inn telja um 18-20 manns.

Að sögn Sig­ur­jóns eru vænt­ingar liðs­ins miklar og liðs­fólkið hefur sett sér ákveðin mark­mið. „Við setjum markið hátt, ætlum að vera ofar­lega og teljum okkur full­fær um það. Minnstu smá­at­riði skipta öllu máli og því skiptir miklu máli að æfa stíft. Sama hver nið­ur­staðan verður er þó mest um vert að við göngum sátt frá borði, vit­andi að við lögðum allt í þetta.“

View this post on Instagram

Kokka­lands­lið Íslands @icelandicculinaryteam 🇮🇸heldur brátt til Stutt­gart á Ólymp­íu­leik­ana í mat­greiðslu sem fram fara 14.-19. febr­úar 2020. Gest­gjaf­inn kíkti á loka­æf­ing­una og það var mik­ill hugur i fólki🙌🏻 #veit­inga­geir­inn #kokka­lands­liðið #gest­gjaf­inn Mynda­taka: @ragnhildur75 Klipping: @hakonbjornsson

A post shared by Gest­gjaf­inn Matur og vín (@gestgjafinn) on Feb 11, 2020 at 3:01am PST

Ítar­legra við­tal við Sigurjón og myndir af keppn­is­rétt­unum er að finna í nýjasta Gest­gjaf­anum sem kemur í versl­anir á fimmtu­dag­inn.

Tryggðu þér áskrift að Gest­gjaf­anum í vef­verslun