Fiskikóngurinn: „Margir sjómenn sem eru algerir fokking DRULLUSOKKAR“

Fiski­kóng­ur­inn, Kristján Berg, lætur íslenska sjó­menn heyra það á Facebook. Honum blöskrar hvernig þeir afhenda fisk­inn í drullu­skítugum umbúðum. Hann segir þetta ekki boð­legt lengur. Myndir af þessu má sjá hér fyrir neðan.

„Mjög margir sjó­menn sem eru algerir fokk­ing DRULLUSOKKAR. Að dirfast til þess að senda íslenskt hrá­efni til mín í þessum umbúðum. Þetta er ógeðs­legt og fyrir neðan mína virð­ingu fyrir íslensku hrá­efni.  Þið sjó­menn sem gerið þetta. HÆTTIÐ að stunda sjó­mennsku, þið eruð bara sóðar og eigið ekki að umgang­ast mat­væli. Ég er búinn að berj­ast við þetta í tugi ára, að fá hreinar umbúðir,“ segir Kristján.

Hann segir þó sjó­menn ekki bera sök­ina á þessu einir. „Fisk­mark­að­irnir hlusta líka tak­markað á mig. Ég vil meina að sökin er þeirra líka. Þeir sjá um að vigta hrá­efnið og allur fisk­ur­inn fer í gegnum þá, þið vigtið og sendið hrá­efnið til mín. Ég vil hafa það þannig, að þegar fisk­mark­aðs­menn­irnir sjá svona við­bjóð, þá eigi þeir að grípa í taumanna og stoppa þetta.  Það hafa þeir því miður ekki gert, alla vegna ekki nógu vel og mikið. Fisk­mark­að­irnir eru jú mis­jafnir. En þetta er ekki boð­legt lengur,“ segir Kristján.

Hann segir að næst sem hann fær svona ógeð­legar umbúðir þá muni hann nefna bát­inn á nafn, sem afhendir vör­una svona. „Það á að sekta þessa menn/báta um stórar fjár­hæðir. Í dag komu 4 kassar sem eru ógeðs­legir. Ég set ekki nöfnin á bát­unum í þetta skiptið, en það verður gert næst. Þetta þarf að stoppa. STRAX. Ég er ösku­reiður og búinn að fá nóg af sóða­skap skuss­anna. Þið eruð að skemma íslenskan sjáv­ar­út­veg. Það er fullt af sjó­mönnum sem gera hlut­ina mjög vel og þið skemmið fyrir meiri­hlut­anum, það er því miður ekki ásætt­an­legt. Hér eftir halla ég ykkur drullu­sokka. Í guð­anna bænum finnið ykkur starf sem hæfir ykkar kunn­áttu. Kveðja Fiski­kóng­ur­inn.“