Friðrik Jónsson klippari segir að líf mannsins sem braut sóttkví á dögunum og setti samfélagið á hliðina sé nú rústir einar. Friðrik virðist þekkja til en á Twitter segir hann pólska manninn búinn að missa allt.
„Ég veit að það er ekki fallegt að gleðjast yfir óförum annara en sóttkvíarbrjóturinn sem setti allt á hausinn um daginn er laus úr einangrun, mætti heim til sín í gær og verður heimilislaus á morgun. Hann er búin að missa allt. Konuna, heilsuna og húsnæðið,“ segir Friðrik.
Hann lýsir því hvernig það hafi gengið að koma manninum loksins í einangrun. „Lögreglan fékk dómsúrskurð til að fjarlægja hann af heimilinu og setja í einangrun þar sem hann lokaði á öll samskipti. Svaraði ekki í síma né kom til dyra þegar sóttvarnarteymið kom til að fá sýni. Endaði á að lögreglan mætti og það tók 2 tíma að ná honum útúr húsi,“ segir Friðrik.
Hann bendir á að skaðinn sem þessi maður hefur valdið sé gífurlegur. „Skaðinn sem þessi maður er búinn að valda er rosalegur. Frétti að eitthvað lögfræði menntað fólk væri að hugsa um að kæra hann. Yngsti smitaði einstaklingur er 1 árs og allavega einn lenti inná spítala.“
Hildur Lilliendahl er meðal þeirra sem segir þessar fregnir ekkert til að gleðjast yfir. „Nei, krakkar. Þetta er ekki ekki eitthvað til að gleðjast yfir. Þetta er bara andstyggilegt,“ skrifar hún.
Athugasemdir