Hlíf kallar eftir hjálp til hitta fárveika móður sína: „Mamma greindist með Alzheimer“

„Mamma greind­ist með Alzheimer snemma í nóv­em­ber 2019, 59 ára að aldri. Hún þjá­ist af mik­illi van­líðan rugl­ingi, kvíða og maníu og er ástandið fjöl­skyld­unni afar erfitt,“ segir í færslu sem Katherine Savage skrifar fyrir hönd vin­konu sinnar, Hlífar Bjarna­dóttur, sem búsett er í Ástralíu.

Katherine hefur hafi söfnun á gofundme.com til að aðstoða Hlíf við að kom­ast til Íslands til að hitta móður sína áður en það verður of seint.

Of lyfjuð eða ringluð til að tala

Eftir að úrræði á borð við dag­vist gengu ekki, var móðir Hlífar var lögð inn á sjúkra­hús í nóv­em­ber í fyrra og var fjöl­skyldan í fyrstu von­góð enda reyndu læknar hin ýmsu lyf til lina ástand móður hennar.

Hlíf hefur ekki getað talað við hana síðan. „Hún er annað hvort of lyfjuð eða of ringluð til að halda uppi sam­tali. Því miður er eðli sjúk­dóms­ins þess eðlis að það er ótrú­lega erfitt að eiga við hann, lyfin hafa ekki virkað eins og von­ast hafði verið, og henni hrakar hratt. Hún lá ein á sjúkra­húsi meðan á Covid höft­unum stóð og hefur aðeins fengið að fá gesti eftir að hún var bólu­sett nýlega.“

Samkvæmt Hlíf hefur móðir hennar misst tutt­ugu kíló og þekkir ekki lengur nán­ustu fjöl­skyldu­með­limi. Geta til tals, nær­ingar og hreyf­ingar er svo að segja horfin en hún nýtur þess að fá að fara út og fá ferkst loft að sögn Hlífar.

Ótrúlega erfitt

„Um leið og mamma greind­ist ætl­aði ég mér heim í júlí 2020, en flug­inu var aflýst vegna ferða­banns­ins. Mér var sagt síðan upp störfum í sama mán­uði og missti ég þar með allar tekjur en ég er ein­stæð móðir tveggja drengja. Ég var reyndar svo heppin að finna tíma­bundið starf þremur vikum síðar. Ég sótti um þrjár und­an­þágur frá ferða­banninnu, náði að skrapa saman fyrir flug­mið­anum og fékk loks grænt ljós á ferð heim í októ­ber síð­ast­liðin. En þá skall seinni Covid bylgjan á og ég komst hvergi. Biðin hélt áfram“.

Hlíf seg­ist hafa verið í stöð­ugu sam­bandi við fjöl­skyld­una og eytt ótelj­andi klukku­stundum á FaceTime fundum með læknum. Alltaf á næt­urnar vegna tíma­mis­mun­ar­ins. Hún segir það ótrú­lega erfitt að geta ekki verið með móðir sinn og fjöl­skyldu sinni á þessum erf­iðu tímum, henni hafi tek­ist að fá sam­þykkt launa­laust leyfi í því tíma­bundna starfi sem hún gegni en kostn­að­ur­inn við heim­ferð­ina sé gríð­ar­lega mik­ill.

„Ef ég fæ tæki­færi til mun ég gera allt til að kom­ast heim í júlí á þessu ári. Ég krossa bara fingur að í þetta skiptið muni það takast,” segir í færsl­unni frá Hlíf.

Þeir sem vilja leggja Hlíf lið við að heim­sækja móður sína geta gert það hér.