Ummæli Ólafar Töru: „Kærðu það sorpið þitt“ verður að húðflúri

Ummæli  Ólafar Töru Harð­ar­dóttur, einka- og nær­ing­ar­ráð­gjafa og með­lim hóps­ins Öfgar, eftir að hún fékk kröfu­bréfið frá Vil­hjálmi Vil­hjálms­syni lög­manni Ingólfs Þór­ar­ins­sonar eða Ingó veð­urguðs hafa vakið verð­skuld­aða athygli. Ólöf Tara birti þau á sam­fé­lags­miðl­inum Twitter og eru þau svo hljóð­andi: „Mín eina eft­ir­sjá er að syngja og tralla við þessa drep­leiðin­legu tón­list þína. Kærðu það sorpið þitt.“

Ólöf Tara Harð­ar­dóttir

Nú hefur Bryn­hildur Yrsa sem einnig er með­limur hóps­ins Öfga ákveðið að gera ummæli Ólafar Töru enn ódauð­legri og láta húð­flúra á sig „Kærðu það sorpið þitt.“ 

Bryn­hildur Yrsa er klár í slag­inn

Mannlíf spurði Bryn­hildi Yrsu hvers vegna hún ætl­aði að láta flúra ummælin á sig og ekki stóð á svari hjá Bryn­hildi:

„Ef það er eitt­hvað sem ég á erfitt með, þá er það þegar fólk reynir að þagga niður í mér. Banna mér að tala um mína reynslu. Sér­stak­lega þegar hefur verið brotið á mér. Ger­enda­með­virknin hér á landi er sjúk­lega mikil og ætl­ast fólk til að þolendur haldi kjafti í hví­vetna. En fólk má segja frá sinni reynslu eða tala almennt um kyn­ferð­is­of­beldi, meðan það nafn­greinir ekki meinta ger­endur sem hafa ekki fengið dóm. Kröfu­bréfið til Ólafar Töru finnst mér ofboðs­lega hlægi­legt þar sem reynt er að kúga hana til greiðslu fyrir orð sem ákveð­inn maður kaus að taka til sín. Afsök­un­ar­beiðni hennar til hans end­aði á orðum sem mér finnst súmmera allt sem ég hef að segja fólki sem ætlar að reyna að þagga niður í mér og öðrum þolendum. Ein­fald­lega kærið það bara! Ég er að fara í tattoo á morgun og ákvað að bæta við setn­ing­unni: Kærðu það sorpið þitt – til að minna mig á það þegar fólk beitir mig þögg­un­ar­til­burðum…að ég mun aldrei halda kjafti!“

Spenn­andi verður að sjá útkom­una hjá Bryn­hildi Yrsu á morgun.

Þegar Tweetið þitt endar sem húð­flúr. skjá­skot af Instagram