Norður-írska lögreglan greindi frá því í dag að 15 lögreglumenn hefðu slasast í átökum eftir árásir sem gerðust í kjölfar handtöku tveggja unglinga fyrir tilraun til nauðgunar á ungri stúlku.

Óeirðirnar í bænum Ballymena, sem er í 48 kílómetra fjarlægð norðvestur af Belfast, brutust út í gærkvöldi eftir samkomu í hverfi þar sem meint alvarleg kynferðisbrot átti sér stað á laugardaginn.

„Þessi ofbeldisverk voru greinilega vegna kynþáttahaturs og beindust að minnihlutahópum okkar og lögreglu,“ sagði Ryan Henderson, aðstoðarlögreglustjóri lögreglunnar.

Tveir ungir drengir, sem lögreglan hafði ákært fyrir tilraun til nauðgunar á ungri stúlku, komu fyrir dómara fyrr um mánudaginn þar sem þeir báðu um túlk sem talar rúmensku.

Óeirðirnar byrjuðu þegar grímuklæddir einstaklingar „slitu sig frá samkomunni og byrjuðu að byggja hindranir, safna eldivið og ráðast á hús og bíla,“ sagði lögreglan og málið var rannsakað sem hatursglæpur.

Lögreglumenn urðu einnig fyrir árásum að sögn lögreglunnar, þar sem grímuklæddir árásarmenn köstuðu bensínsprengjum, flugeldum og steinum. Var það til þess að 15 lögreglumenn slösuðust og flytja þurfti nokkra á sjúkrahús.