Vinnuslys varð í Reykjavík í morgun þegar þar varð sprenging í húsi í Korngörðum, en tilkynning um málið barst lögreglu rétt fyrir klukkan hálfátta en þetta kemur fram í tilkynningu lögreglu.

Viðbragðsaðilar héldu strax á vettvang, en ljóst er að um alvarlegan atburð er að ræða. Það eru eindregin tilmæli frá lögreglu að fólk haldi sig fjarri staðnum, bæði til að trufla ekki störf viðbragðsaðila og eins til að tryggja greiða aðkomu þeirra til og frá  vettvangi.

Frekari upplýsingar verða veittar eftir því  sem vinnu viðbragðsaðila vindur fram að sögn lögreglu.

UPPFÆRT - Samkvæmt nýjustu upplýsingum hafa nokkrir verið fluttir á slysadeild.