Í dagbók lögreglu frá því í dag er greint frá því að brotist hafi verið inn í geymslu og hún rænd í Laugardalnum og er þetta annar dagurinn í röð þar sem slíkt gerist í Laugardalnum. Ekki liggur fyrir hver gerandi er í þessu máli að sögn lögreglu.

Tilkynnt var um umferðarslys í Kópavogi en samkvæmt lögreglu slasaðist ekki neinn en eitthvað eignartjón varð. Í Kópavogi var einnig tilkynnt um rúðubrot og þjófnað í verslun. Vitað er hver þjófurinn er en ekki hver braut rúðuna.

Ökumaður var stöðvaður í Árbænum vegna gruns um að aka fullur. Viðkomandi var látinn laus eftir að blóðsýni var tekið. Þá gerði einhver tilraun til að brjótast inn í geymslu í Grafarvogi en tókst illa til.