Tveir ungbirnir sluppu úr búri sínu í dýragarði í Bretlandi og gæddu sér á hunangi áður en þeir sofnuðu, að sögn dýragarðsins í gær.

Mish og Lucy, bæði fjögurra ára, komust út fyrir girðingu sinni í Wildwood Devon í suðvesturhluta Englands síðdegis á mánudag.

Þau héldu rakleiðis í matargeymsluna þar sem þau gleyptu í sig mat, þar á meðal vikuskammt af hunangi. Birnirnir „ógnuðu ekki almenningu á neinum tímapunkti“, þótt gestir á svæðinu hafi verið fluttir í örugga byggingu í varúðarskyni.

Í þessari klukkutíma löngu atburðarás voru birnirnir „stöðugt vaktaðir bæði á vettvangi og í gegnum öryggismyndavélar“ þar til þeim var skilað aftur í búrið af dýrahirðum og þeir sofnuðu samstundis, að sögn Wildwood. Lögregla var kölluð á vettvang og rannsókn er hafin til að komast að því hvernig dýrin gátu sloppið út, sagði í tilkynningunni.

Dýragarðurinn, sem spannar 40 hektara svæði með görðum og skógi, hýsir margvísleg dýr, þar á meðal brúnbirni, úlfa og heimskautarefi.