Það var heldur betur mikið stuð á Kópaskeri síðustu helgi en þá var haldin sólstöðuhátíð í bænum við mikinn fögnuð.

Á dagskránni voru meðal annars fjórhjólaferðir um svæðið, kjötsúpa við Skerjakollu, sólstöðuganga Ferðafélagsins Norðurslóða, kaffihlaðborð, frítt var á byggðasafnið á Snartarstöðum og auðvitað dansleikur í íþróttahúsinu þar sem gestir hlustuðu á ljúfa tóna langt fram eftir nóttu.

Á sunnudeginum sá svo séra Jón Ármann Gíslason um helgistund í Snartarstaðakirkju.