Í dagbók lögreglu frá því í dag er greint frá því að tilkynnt hafi verið um innbrot og þjófnað í miðbænum en gerendur náðust og var málið afgreitt með vettvangsskýrslu.

Þá var tilkynnt um rán í verslun í Laugardalnum. Samkvæmt lögreglu er búið að handtaka einn af tveimur gerendum og veit lögreglan hver hinn er. Þá var tilkynnt um nytjastuld á bifreiðinni PNE-57 sem er ljósgrá NISSAN MICRA árgerð 2022 en ekki er sagt hvaða honum var stolið.

Flytja þurfti mann sem fékk járnstöng í andlitið á bráðamóttöku. Samkvæmt lögreglu slasaðist hann í vinnuslysi í Laugardalnum.

Lögreglan fékk tilkynningu að keyrt hafi verið yfir rist á dreng í Hafnarfirði en sögn lögreglu voru ekki neinir sjáanlegir áverkar á drengnum.