Móðir Margrétar Löf heimsækir hana reglulega í fangelsi þar sem hún er vistuð í gæsluvarðhaldi meðan hún bíður réttarhalda þar sem Margrét er ákærð vegna andláts Hans Löf, föður hennar. Morgunblaðið greinir frá þessu.

Margrét er einnig ákærð fyrir að reynt að drepa móður sína en atvikið átti sér stað á heimili foreldra hennar í Súlunesi í Garðabæ í apríl á þessu ári.

Morgunblaðið segir að mæðgurnar hittist einar í lokuðu herbergi án frekari öryggisgæslu.

„Þetta er ekki eins óal­gengt og marg­ir halda. Mörg dóma­for­dæmi liggja fyr­ir um mál þar sem þess­ar aðstæður eru uppi. Þrátt fyr­ir að ger­andi sé sakaður um að hafa gert eitt­hvað í hlut ein­hvers þá sæk­ist brotaþoli samt eft­ir því að heim­sækja viðkom­andi,“ sagði Sig­urður Ólafs­son, sak­sókn­ari hjá Héraðssak­sókn­ara, um málið.