Alexandra Briem, borgarfulltrúi Pírata, grínast með það að orðrómur um að hún sé á leið yfir í Miðflokkinn sé rangur. Þetta kemur fram í Facebook-færslu sem hún birti rétt í þessu.

„Orðrómar um að ég sé að fara yfir í Miðflokkinn eru stórlega ýktir,“ skrifar Alexandra í færslunni og bætir við broskalli.

Hún segir jafnframt að hún hafi auðvitað viljað vinna í prófkjörinu á dögunum en að hún hafi alltaf sagt að ef hún yrði ekki efst á lista flokksins væri það „Kiddi“.

„Það hefur verið frábært að vinna með honum, hann er klár, drífandi og bara, í alvöru góður maður. Við erum góðir vinir og ég treysti honum algjörlega til þess að leiða lista okkar í kosningunum í vor,“ skrifar hún.

Alexandra segist taka annað sætið á listanum og ganga samhent inn í kosningabaráttuna.

„Auðvitað tek ég annað sætið og við förum samhent inn í kosningarnar. Það var aldrei spurning,“ skrifar hún að lokum.