Marius Borg Hoi­by, son­ur norsku krón­prins­ess­unn­ar, Mette Ma­rit, er grunaður um þrjár nauðgan­ir, og á ann­an tug annarra af­brota og haft er eft­ir norsku lög­regl­unni að málið sé í hönd­um sak­sókn­ara er mun skera úr um hvort leggja eigi fram ákæru.

Marius Borg Hoi­by var hand­tek­inn í ág­úst 2024, vegna gruns um of­beldi í nánu sam­bandi og í kjöl­farið stigu fleiri fram og nú er rann­sókninni - sem hefur staðið yfir í eina tíu mánuði - lokið.

Hoi­by er grunaður um „eina nauðgun sem fól í sér sam­far­ir og tvær nauðgan­ir sem ekki fólu í sér sam­far­ir“, er haft eft­ir Andreas Kruszweski, lög­fræðingi á veg­um norsku lög­regl­unn­ar.

Sagt er að Hoi­by neiti sök; hann hef­ur áður viður­kennt of­beld­is­brot­in er áttu sér stað í ág­úst í fyrraen þá sagðist hann hafa verið und­ir áhrif­um áfeng­is og kókaíns; og upp úr hafi soðið á milli hans og kær­ust­u sinnar.

Aðrar ásak­an­ir í garð hans fela í sér of­beld­is­brot af kyn­ferðis­leg­um toga - of­beldi í nánu sam­bandi; lík­am­legt of­beldi, skemmd­ar­verk, hót­an­ir, að brjóta nálg­un­ar­bann, um­ferðalaga­brot og einnig það að hafa móðgað lög­reglu­mann:

„Ég vil ekki tjá mig um ná­kvæm­an fjölda fórn­ar­lamba, en get þó sagt að við erum að tala um tveggja stafa tölu“ sagði áðurnefndur Andreas Kruszweski lög­fræðingur.